Madaxweynihii hore ee Soomaaliya Mudane
Cabdiqasim Salaad Xasan oo saxaafada la hadlay
|
|
Madaxweynihii hore ee xukuumadii Carta Dr C/Qaasim Salaad Xasan aya
maanta shir jaraa'id oo Muqdisho uu ku qabtay kuso bandhigay
go'aanadiisii uu qarsan jiray kadib markii wax iska caabintu ay laba
maalmood oo is xig xiga guulo ka gaartay dagaalo ka dhacaya Muqdisho.
Madaxweynihi hore waxaa uu cadeeyay in xalka Somaliya uu ku jiro kaliya
dhowr arrimood hadii lagu dhaqaaqo kuwaasi oo u farta ku goday hadii
aan la sameyneyn in aan
Umadda lagu marin
habaabin wada hadal iyo
wax warbaahinta laga
sheegay.
C/Qaasim wuxu sheegay
dhibaatada ugu horeysa
in ay tahay joogitaanka
ciidanka Itoobiya ee
Somaliya,oo uu
adkeeyay in caqabad ay
ku yihiin nabad waliba oo
la gaari lahaa,hadii ay
baxaana rajo wanaagsan
ay dhaceyso.
Tallabadasi kadib wuxu sheegay in ay tahay in dhamaan maleeshiyaadka
dawladda laga saaraa magaalada iyo xaafadaha lana fasaxaa dadku in ay
si xor ah ugu soo laabtaan guryahoodii.
Waxaa kale oo uu sheegay in ay tahay Somalida oo xor ah in ay wada
fariistaan isla markaana ay ka xaajoodaan qaabkii loo gaari lahaa nabad
waarta oo ka dhalata dalka Somaliya,C/Qaasim waxaa garab fadhiyay kolki
shirka jaraa'id uu qabanayay Odayaal ka tirsan beeshiisa ee Hawiye.
|
|
|
|
